NA DIRAMAKINI
TIMU ya Taifa ya Tanzania (Taifa Stars) imeichapa Ethiopia mabao 2-0 katika michuano ya kufuzu Kombe la Mataifa ya Afrika (AFCON) 2025.
Mchezo huo umepigwa Novemba 16,2024 katika uwanja wa Taifa wa Jamhuri ya Kidemokrasia ya Congo (Martyrs de la Pentecote).
Dakika ya 15' ya kipindi cha kwanza, Simon Msuva alitupia bao la kwanza ambalo lilidumu hadi dakika ya 31' ndipo Feisal Salum (Feitoto) akapiga msumari wa pili.
Ushindi huo umeipa mwanga Taifa Stars kusonga mbele ambapo katika Kundi H wanashika nafasi ya pili kwa alama saba baada ya mechi tano huku Jamhuri ya Kidemokrasia ya Congo ikishika nafasi ya kwanza kwa alama 12.