DAR- Grace Mapunda maarufu kama Mama Kawele amefariki dunia usiku wa kuamkia leo Novemba 2,2024 katika Hospitali ya Mwananyamala jijini Dar es Salaam alipokuwa amelazwa kwa ajili ya matibabu.
Mama Kawele au Tessa katika Tamthilia ya Huba alikuwa ni mwigizaji wa filamu za Tanzania (Swahiliwood) anayesifika kwa uwezo wake mkubwa wa kuigiza filamu za hisia.
Ni kutokana na kuwa makini katika kuwakilisha uhusika halisi japo alionekana kuzipatia filamu za aina hiyo.
Aziz Ahmed ambaye ni Muongozaji wa Tamthilia ambaye alikuwa akifanya naye kazi kwa ukaribu kwa muda mrefu amethibitisha kifo cha Mama Kawele.
“Ni kweli amefariki usiku wa kuamkia leo Mwananyamala Hospitali, alikuwa anasumbuliwa na nimonia, haujaumwa muda mrefu aliletwa hospitali juzi kisha jana tukaja kumuona.
"Ila usiku wa kuamkia leo ndio hivyo tena, msiba upo nyumbani kwake Sinza Vatcan,”amesema Ahmed.