Waziri Mhagama aipongeza DCEA kwa matokeo chanya ukamataji wa dawa za kulevya nchini

RUVUMA-Waziri wa Afya, Mhe. Jenista Mhagama, ameipongeza Mamlaka ya Kudhibiti na Kupambana na Dawa za Kulevya kufuatia ukamataji wa dawa za kulevya, akibainisha kuwa mafanikio hayo ni hatua muhimu katika kulinda jamii.

Aidha, ameihimiza kuendeleza mapambano ili kuhakikisha jamii inakuwa salama na huru dhidi ya athari za matumizi na biashara haramu ya dawa za kulevya.

Mhe. Jenista ameyasema hayo leo Novemba 30, 2024 alipotembelea banda la DCEA katika kilele cha wiki ya vijana kuelekea Siku ya UKIMWI Duniani.