DAR-Young Africans Sports Club (Yanga SC) imemtangaza, Mustafa Kodro kuwa kocha mpya msaidizi wa kikosi cha wananchi.
Kocha huyo mwenye umri wa miaka 43 ni raia wa Bosnia-Herzegovina ambapo anaungana na Kocha Mkuu wa Yanga SC,Sead Ramovic.
Mustafa kabla ya kujiunga Yanga SC alikuwa TS Galaxy tangu mwaka 2022 akitokea SK Sarajevo alikohudumu miezi mitano.
Aidha, Ramovic na Kodro wamefanya kazi kwa miaka miwili TS Galaxy ya Afrika Kusini.
Ujio wa makocha hao unatajwa huenda ukaongeza chachu ya Young Africans Sports Club kuweza kutetea ubingwa wa Ligi Kuu ya NBC Tanzania Bara na michuano ya Kimataifa ambayo inawakabili.