Matokeo ya Yanga SC dhidi ya Al Hilal Omdurman ni simanzi tupu!

DAR-Young Africans Sports Club (Yanga SC) imepoteza mchezo wake wa kwanza wa Kundi A wa Ligi ya Mabingwa barani Afrika.

Ni baada ya kupokea kichapo cha mabao 2-0 kutoka kwa Al Hilal Omdurman ya Sudan.

Mechi hiyo imepigwa leo Novemba 26,2024 katika dimba la Benjamin Mkapa lililopo katika Halmashauri ya Manispaa ya Temeke jijini Dar es Salaam.

Mabao ya Al Hilal Omdurman yalifungwa na Adama Coulibaly dakika ya 63' huku la pili ambalo liliongeza majonzi kwa mashabiki wa Yanga SC likifungwa na Yasir Mozamil dakika ya 90.