DODOMA-Bodi ya Wakurugenzi ya Shirika la Nyumba la Taifa (NHC) leo imefanya ziara muhimu kutembelea miradi ya ujenzi wa ofisi za Wizara mbalimbali za Serikali, hatua inayolenga kusimamia maendeleo ya miradi hiyo na kuhakikisha viwango vya juu vya ujenzi vinazingatiwa katika mji wa Serikali, Mtumba.
Ziara hiyo ilianza katika jengo la kisasa la Wizara ya Nishati, ambapo Bodi ilipokea taarifa ya maendeleo ya ujenzi kutoka kwa Mbunifu Majengo wa NHC, Bi. Maria Kaaya.
Ziara hiyo ilianza katika jengo la kisasa la Wizara ya Nishati, ambapo Bodi ilipokea taarifa ya maendeleo ya ujenzi kutoka kwa Mbunifu Majengo wa NHC, Bi. Maria Kaaya.Bi. Kaaya ameeleza kuwa ujenzi wa jengo hilo umefikia asilimia 90, huku kazi zilizosalia zikiwa ni pamoja na:Upigaji wa rangi.
Ufungaji wa mifumo ya TEHAMA na vifaa vya kisasa vya zimamoto.Umaliziaji wa marumaru kwenye lifti.Ufungaji wa vioo vya madirisha kwa ubora unaozingatia viwango vya kimataifa.
Bodi ilielezea kuridhishwa na hatua zilizofikiwa, huku ikisisitiza umuhimu wa kukamilisha kazi zilizobaki kwa wakati na kwa kuzingatia ubora unaostahili.
Kwa mujibu wa ratiba, ziara hiyo inahusisha ukaguzi wa jumla wa miradi mingine saba inayotekelezwa na NHC, yote ikiwa na lengo la kusaidia Serikali kuwa na ofisi za kisasa zinazokidhi mahitaji ya utoaji huduma bora kwa wananchi.
Miradi hii inaonyesha dhamira thabiti ya NHC katika kuchangia maendeleo ya miundombinu ya Serikali, ikiwa ni sehemu ya mkakati wa kuimarisha makazi na ofisi zinazokidhi mahitaji ya karne ya 21.
Kwa ujumla, ziara ya Bodi ya Wakurugenzi ni hatua muhimu katika kuhakikisha miradi inatekelezwa kwa wakati, kwa ufanisi, na kwa viwango vya kimataifa, ikionesha wazi nafasi ya NHC kama mshirika muhimu wa maendeleo nchini Tanzania.