DCEA yaanza mafunzo maalum ya Mtaala wa Kuzuia Matumizi ya Dawa za Kulevya (UPC) kwa walimu wa shule za msingi na sekondari mkoani Tanga

TANGA-Mamlaka ya Kudhibiti na Kupambana na Dawa za Kulevya (DCEA) imeanza kutoa mafunzo maalum ya Mtaala wa Kuzuia Matumizi ya Dawa za Kulevya (UPC) kwa walimu wa shule za msingi na sekondari mkoani Tanga.

Mafunzo haya yanayohusisha walimu na waelimishaji 22 yanaendelea katika Hoteli ya Nyinda Tourist na yatahitimishwa Januari 25, 2024.

Wakati akifungua mafunzo hayo, kamishna wa Kinga na Tiba DCEA Dkt. Peter Mfisi, ameeleza kuwa mafunzo hayo ni maalumu katika kuwajengea uwezo walimu ili waweze kuwaelimisha wanafunzi kuhusu athari za dawa za kulevya kwa kutumia mbinu za kisayansi.